لکھنؤ: خواجہ معین الدین چشتی لنگویج یونیورسٹی کا یوم تاسیس منایاگیا

اترپردیش میں موجود خواجہ معین الدین چشتی لینگویج یونیورسٹی کی 12ویں یوم تاسیس منایا گیا، جس میں ریاستی وزیربرائے قانون سمیت دیگر اہم شخصیات نے شرکت کر بچوں کی حوصلہ افزائی کی۔

لکھنئو: خواجہ معین الدین چشتی لینگویج یونیورسٹی کا 12 واں یوم تاسیس پورے جوش و خروش کے ساتھ منایا گیا۔ جس میں مہمان خصوصی کے طور پر کابینی وزیر برائے قانون برجیش پاٹھک نے شرکت کی اور متعدد مقابلہ میں شامل ہونے والے امیدواروں میں سے فاتحین کو سرٹیفکیٹ اور میڈل سے نوازا۔

اس موقع پر انہوں نے یونیورسٹی کے وائس چانسلر انل کمار شکلا شکریہ نے طلباء و طالبات کو تعلیم کی طرف راغب کراتے ہوئے کہا کہ آپ ہی لوگ ملک کے مستقبل ہیں اور آپ میں سے ہی کوئی نہ کوئی وائس چانسلر، وزیر یا دیگر شعبے میں نمایاں خدمات انجام دے گا لہذا تعلیم و تربیت پر خوب لگن و محنت توجہ دینی چاہیے۔

پروگرام میں موجود طلبا و طالبات

ای ٹی وی بھارت سے بات کرتے ہوئے کابینی وزیر ر برائے قانون برجیش پاٹھک نے تمام طلبا و طالبات کو مبارکباد پیش کرتے ہوئے کہا کہ بہت کم وقت میں یونیورسٹی نے نمایا مقام حاصل کیا ہے یہاں کے اساتذہ کو بھی مبارک باد پیش کرتا ہوں۔

وہیں یونیورسٹی کے وائس چانسلر نے ای ٹی وی بھارت سے بات کرتے ہوئے نئی تعلیمی پالیسی کے حوالے سے کہا کہ یونیورسٹی لسانی سطح پر نمایاں مقام رکھتی ہے اس وجہ سے نئی تعلیمی پالیسی کے حوالے سے کافی بہتر کام کیا جا سکتا ہے۔ انہوں نے مزید کہا کہ آنے والے دنوں میں دنیا کے ہر زبان کی تعلیم دینے کی بھی کوشش جاری ہے۔

اس موقع پر پروگرام کی نظامت ڈاکٹر روچیتا چوہدری نے کیا جبکہ دوسری میٹنگ میں کوی(مشاعرہ) سملین کا بھی انعقاد کیا گیا۔ جس میں شعرا نے وطن پرستی کو موضوع بناکر پر جم کر سما باندھا۔

کلچرل کمیٹی کی صدر ڈاکٹر تنویر خدیجہ اردو کے صدر پروفیسر شفیق اشرفی، ڈاکٹر ثوبان سعید، ڈاکٹر فخر عالم، ڈاکٹر محمد اعظم، عربی شعبہ کے صدر مسعود عالم فلاحی کے ساتھ یونیورسٹی کے سبھی اساتذہ و طلبا موجود رہے۔