لکھنؤ۔آگرہ ایکسپریس وے: بس حادثے میں دو کی موت

اترپردیش میں پیر کی صبح لکھنؤ۔آگرہ ایکسپریس وے پر فتح پور ٹول کے نزدیک گہرے کہرے کی وجہ سے اسٹیٹ ٹرانسپورٹ کارپوریشن کی اے سی بس حادثے کا شکار ہوگئی۔ اس حادثے میں دو افراد کی موت ہوگئی جبکہ متعدد زخمی ہوگئے۔

یو پی ایس آر ٹی سی ایم ڈی راج شیکھر نے یہاں جاری ایک بیان میں کہا کہ یوپی87 ٹی2093 نمبر کی بس آگرہ سے لکھنؤ آرہی تھی کہ ایکسپریس وے پر فتح پور ٹول کےنزدیک سکرا گاؤں میں حادثے کا شکار ہوگئی۔

انہوں نے بتایا کہ یہ حادثہ صبح 7:30 بجے اس وقت پیش آیا جب ٹائر پھٹنے کی وجہ سے ایک ٹرک ہائی وے پر کھڑا تھا۔ چونکہ صبح کہرا کافی گھنہ تھا اور ڈرائیور کو دور سے ٹرک کھڑا ہوا دکھائی نہیں دیا قریب پہنچتے ہی جب ڈرائیور نے بس کو ٹرک میں ٹکر سے بچانے کی کوشش میں اچانک کٹ مارا جس کی وجہ سے وجہ سے بس پلٹ گئی۔

حادثے میں دو مسافروں کی موت ہوگئی جبکہ متعدد زخمی ہوگئے جنہیں علاج کے لئے اسپتال میں داخل کرایا گیا ہے۔بس میں تقریبا 35 مسافر سوار تھے۔