شراب اسمگلروں کا محکمہ آبکاری کی ٹیم پر حملہ

اترپردیش کے ضلع گونڈہ کے نگرکوتوالی علاقے کے گوڈین پورا گاؤں یں غیر قانونی طور سے بنائی جارہی شراب کی بھٹیوں کو منہدم کرنے گئی محکمہ آبکاری کی ٹیم پر شراب بنانے والوں نے ہتھیار سے حملہ کردیا۔

ایڈیشنل سپریٹنڈنٹ آف پولیس مہندر کمار نے آج یہاں بتایا کہ کل دیر شام غیر قانون شراب بنانے کی ملی اطلاع پر محکمہ آبکاری ٹیم گوڑین پورا گاؤں میں چھاپہ مارنے گئی تھی۔ ٹیم پر مقامی افراد نے حملہ کردیا۔

انہوں نے کہا کہ اس سلسلے میں معاملہ درج کر کے آٹھ افراد کو گرفتار کیا ہے۔ گرفتار ملزمین میں پردھان بھی شامل ہے۔ انہوں نے بتایا کہ زخمی تین جوانوں کا علاج کرایا جارہاہے۔ حادثے کی وائرل ویڈیو کے فوٹیج کی بنیاد پر دیگر ملزمین کی گرفتاری کے لئے چھاپے ماری جاری ہے۔