آسمانی بجلی کی زد میں آنے سے 3افراد کی موت

ریاست اترپردیش کے ضلع جونپور میں آسمانی بجلی کی زد میں آنے سے تین افراد کی موت واقع ہوئی۔

ریاست اترپردیش کے ضلع جونپور کے پنوارا و شاہ گنج علاقے میں بارش کے دوران آسمانی بجلی گرنے سے بھائی، بہن سمیت 3افراد کی موت واقع ہوئی۔

پولیس نے بتایا کہ پنوارا تھانہ علاقے کے بامی گاؤں میں بارش کے دوران گری آسمانی بجلی کی زد میں آنے سے اجول پال(8)اور دکشا پال(05)کی موت ہو گئی۔ اسی طرح سے ضلع کے شاہ گنج کوتوالی علاقے کے اربوپور کھرد باشندہ منجو بدھ کی شام بارش کے دوران گھر پر واقع ایک رہائش چھپر میں بیٹھی تھیں، اچانک آسمانی بجلی چھپر پر گری جس سے ان کی موقعے پر ہی موت ہوگئی۔