بارہ بنکی: کسان جن جاگرن مہم کا آغاز

بارہ بنکی کے بریٹھی سرئیاں گاؤں میں کانگریس کے ریاستی صدر اجئے کمار للو نے مہم کا آغاز کیا۔ اجئے کمار نے یہاں ایک تقریب میں کسانوں سے ملاقات کی اور طے فارم بھر کر مہم کی شروعات کی۔

ریاست اتر پردیش کے ضلع بارہ بنکی میں بی جے پی حکومت کا گھیراو کرنے کے لئے کانگریس پارٹی نے کسان جن جاگرن مہم کا آغاز کیا ہے۔

اس مہم کے لئے کانگریس نے مزید منصوبہ بندی کی ہے، مہم کے تحت کانگریس کسانوں کے مسائل جان کر ان کے حل کے لئے انتظامیہ اور حکومت پر دباؤ بنائے گی۔

بارہ بنکی کے بریٹھی سرئیاں گاؤ میں کانگریس کے ریاستی صدر اجئے کمار للو نے مہم کا آغاز کیا۔ اجئے کمار نے یہاں ایک تقریب میں کسانوں سے ملاقات کی اور طے فارم بھر کر مہم کی شروعات کی۔

مہم کے تحت کانگریس 40 دن میں 2 کروڑ 76 لاکھ کسانوں سے مل کر یہ فارم بھرائے گی۔

اس دوران کانگریس پارٹی 12 ہزار عوامی ریلیاں کرے گی، اس میعاد میں کانگریس کارکنان ڈھائی لاکھ فارم کسانوں سے بھروائیں گے۔

کانگریس پارٹی کسانوں کے ان مسائل کو تحصیل میں اٹھائے گی۔ اس کے بعد اگر مسلہ حل نہ ہوا تو ڈی ایم دفتر کا گھیراو اور پھر اسمبلی پر مظاہرہ کی منصوبہ بندی کی گئی ہے۔

کانگریس پارٹی کی اس مہم کا کسانوں میں ملا جلا اثر ہے کچھ کسان اس سے خوش ہیں تو کچھ کو اپنے مسائل حل ہونے میں ابھی بھی خدشہ محسوس ہو رہا ہے۔