کلیان سنگھ کی ضمانت منظور

ریاست اترپردیش کے سابق وزیراعلی اور بی جے پی کے سینیئر رہنما کلیان سنگھ بابری مسجد انہدام کیس میں آج عدالت میں پیش ہوئے تھے۔

کلیان سنگھ کو دو لاکھ کے نجی مچلکے کے بعد ضمانت دے دی گئی۔ بابری مسجد کے انہدامی معاملے میں 21 ملزمین کے ساتھ کلیان سنگھ کا نام بھی شامل ہے۔

اس سے قبل کلیان سنگھ تقریباً 12 بجے عدالت میں پیش ہوئے، جہاں ان کی ضمانت کی عرضی لگائی گئی۔ اس عرضی پر سماعت کرتے ہوئے عدالت نے انہیں ضمانت دے دی۔

کلیان سنگھ کے خلاف کئی دفعات میں الزام بھی فریم کیے گئے۔ ان معاملوں میں مسلسل سماعت جاری رہے گی۔

وکیل منیش تواری

رام مندر کی تعمیر سے متعلق پوچھے گئے ایک سوال پر کلیان سنگھ نے کہا کہ وہ اپنی منشا سے عدالت کو واقف کرائیں گے۔