'نمامی گنگے اسکیم' میں شامل ہردوئی کا کچھوا تالاب

ہردوئی کے ڈسٹرکٹ مجسٹریٹ پلکت کھرے کی اس کوشش نے تالاب اور گاؤں کو عالمی پیمانے پر لا دیا ہے، جس سے اب سیاحت کو بڑھاوا ملے گا۔

ریاست اترپردیش کےضلع ہردوئی کا کچھوا تالاب 'نمامی گنگے کے جل شکتی' اسکیم سے جڑ گیا ہے۔

جس کی وجہ سےاب اسے عالمی سطح پر بھی پہچان ملے گی، اس سے نہ صرف سیاحت کو بڑھاوا ملے گا بلکہ اس کچھوا تالاب کو خوبصورت اور بہتر بھی بنایا جائے گا۔

اس کچھوا تالاب میں ہزاروں کی تعداد میں بڑے بڑے کچھوے پائے جاتے ہیں، جن کا خیال گاؤں والے رکھتے ہیں۔

ڈسٹرکٹ مجسٹریٹ پلکت کھرے کی اس کوشش نے تالاب اور گاؤں کو عالمی پیمانے پر لا دیا ہے، جس سے اب سیاحت کو بڑھاوا ملے گا۔

ڈسٹرکٹ ہیڈ کوارٹر سے تقریبا 34 کلومیٹر دور بلگرام کے ککرا کھیڑا گاؤں میں یہ تالاب موجود ہے، جو کہ اب صوبے میں نہیں بلکہ عالمی پیمانے پر بھی مشہور ہوچکا ہے۔

واضح رہے کہ مرکزی حکومت کے 'نمامی گنگے کے جل شکتی پروگرام' کے ویٹ لینڈ اور پانی اسکیم کے تحت اسے چنا کیا گیا ہے، جس کے ذریعے سیاحت کو بھی فروغ ملے کی امید ہے۔

دراصل پورے ملک سے گنگا کے تلہٹی کے آس پاس موجود آٹھ تالابوں میں سے چنے گئے تالابوں میں یہ تالاب بھی شامل ہے۔

اطلاع کے مطابق جھولے قصبہ کے تالاب میں ہزاروں کی تعداد میں بڑے بڑے کچھوے پائے جاتے ہیں، جن کا خیال اسی گاؤں کے لوگ رکھتے ہیں۔

ڈسٹرکٹ مجسٹریٹ پلکت کھرے نے حال ہی میں اس تالاب کوخوبصورت بنوایا تھا۔

جس میں چار چاند لگنے کے بعد اسے 'نمامی گنگے اسکیم' کے تحت چنا گیا ہے، جسے اب عالمی سطح پر بھی پہچان ملے گی۔

مرکزی حکومت بھی اگر اس کی جانب توجہ دے تو یقینا یہ کچھوا تالاپ سیاحت کا مرکز بنے گا، اور صوبے میں ہی نہیں بلکہ ملک میں بھی اس کی اپنی ایک الگ پہچان ہوگی۔