رحمت اللعالمین حضرت محمد صلی اللہ علیہ وسلم کے یوم ولادت کا اہتمام پوری دنیا کے مسلمان تزک و احتشام کے ساتھ کر رہے ہیں۔ رامپور کی صدیوں پرانی روایت 'جلوس محمدی' کا اہتمام اس مرتبہ کچھ مختلف رہا۔ کووڈ۔19 کا اثر جلوس محمدی پر بھی صاف نظر آیا۔
رامپور: جلوس محمدیﷺ ہر برس سے قدر مختلف
انتظامیہ کی جانب سے رامپور میں جلوس محمدی کی اجازت تو دی گئی لیکن کہا گیا تھا کہ صرف 50 ہی افراد اس جلوس میں شامل ہوں۔ یہی وجہ ہے کہ آج جب یہ جلوس مزار حافظ شاہ جمال اللہ سے شروع ہوا تو بہت ہی مختصر تعداد میں لوگوں نے شرکت کی۔ حالانکہ ہر برس جلوس میں ہزاروں کی تعداد میں رامپور کی عوام شرکت کرتی ہے۔