مئو میں بارہ ربیع الاول کے موقع پر برآمد ہونے والے جلوس محمدی کا انعقاد اس مرتبہ ملتوی کر دیا گیا ہے۔ علماء نے کورونا وائرس سے تحفظ کے لئے حکومت کی جانب سے جاری گائڈلائن پر عمل کرنے کا فیصلہ کیا ہے۔
جلوس محمدی ملتوی
اترپردیش کے مئو میں جشن عید میلادالنبی کی تیاریاں جاری ہیں۔ مختلف مقامات پر راستوں کو روشنی سے سجایا جا رہا ہے۔ اس مرتبہ کووڈ-19 کے مدنظر 12 ربیع الاول پر احتیاط کے ساتھ پروگرام منعقد کئے جائیں گے۔ جلوس محمدی کا انعقاد اس مرتبہ نہیں کیا جائے گا۔ علماء کے مطابق حکومت کی جانب سے جاری گائڈلائن پر عمل کرتے ہوئے صرف نعتیہ پروگرام منعقد ہوں گے۔ نعت و حمد کی محفلیں منعقد کی جائیں گی۔