بارہ بنکی: 45 روز سے مدد کا سلسلہ جاری

لاک ڈاؤن میں غریب اور بے سہارا افراد کی سماجی تنظیمیں اور لوگ اپنے اپنے طریقے سے مدد کر رہے ہیں۔ کچھ لوگ اس کی تشہیر کرتے ہیں، کچھ مخفی طور پر مدد کرتے ہیں کہ ان کے دوسرے ہاتھ تک کو پتا نہیں چلتا۔ انہیں میں سے ایک ہے جمعیت علما ہند کی ضلع یونٹ، یہاں مسلسل 45 روز سے بلا تفریق مذہب و ملت غریب بے سہارا عوام کی مدد کی جا رہی ہے۔

بارہ بنکی کے بنکی واقعہ مدرسہ دارالرشاد میں جب سے لاک ڈاؤن نافذ ہوا ہے۔ اس وقت سے مسلسل 45 روز تک غریبوں کو کھانے پینے اور مالی مدد کی جا رہی ہے۔ جب لاک ڈاؤن میں تھوڑی رعایت دی گئی اس وقت تک مدد کا یہ سلسلہ رکا، لیکن اب عید کے پیش نظر یہ پھر شروع کر دیا گیا ہے۔ مدرسہ سے مستفید ہونے والے اس کی تسدیق بھی کرتے ہیں اور وہ جمعیت اور مدرسہ کے شکر گزار بھی ہیں۔ جمعیت علما ہند بلا تشہیر کے یہ کار خیر کر رہی تھی۔

ای ٹی وی بھارت کے مزید اسرار پر انہوں نے اس کی کوریج کی اجازت فراہم کی۔ وہ اس کام کی تشہیر نہیں کرنا چاہتے تھے۔