بجنور: میاں بیوی کا نیند کی حالت میں قتل

پرانی رنجش کے سبب پڑوس کے ایک نوجوان نے دیر شب گھر میں گھس کر خاوند بیوی کا نیند کی حالت میں گلا ریت کر قتل کر دیا۔

ریاست اترپردیش کے ضلع بجنور کے تھانہ سیوہارا کے بشن پور علاقے میں گذشتہ رات گھر میں سو رہے شیوکمار اور ان کی اہلیہ کو چاقو مار کر ہلاک کردیا گیا۔

ذرائع کے مطابق واردات انجام دینے کے بعد مجرم موقع سے فرار ہوگیا تھا لیکن پولیس نے مجرم منو کو گرفتار کرلیا ہے۔

ساتھ ہی پولیس نے اس چھرے کو بھی برآمد کیا ہے جس سے ملزم نے قتل کے واردات انجام دئے ہیں۔