امروہہ میں ہوم گارڈز کا فلیگ مارچ

اتر پردیش کے ضلع امروہہ میں ہوم گارڈ کے جوانوں نے فلیگ مارچ نکالا، اس فلیگ مارچ کا مقصد لوگوں کے ذریعے لاک ڈاون پر عمل آوری کو یقینی بنانا تھا۔

فلیگ مارچ میں شامل ہوم گارڈز نے لوگوں سے معاشرتی فاصلہ کو ضروری بتایا اور لاک ڈاون پر عمل کرنے کی عوام سے اپیل کی، ہوم گارڈ کمانڈنٹ لکھراج سنگھ نے کہا کہ کورونا وائرس کی وجہ سے سبھی کو معاشرتی فاصلہ اور لاک ڈاون پر عمل کرنا ہوگا۔

واضح رہے کہ ریاست میں کورونا کے کیسز میں اضافہ ہوتا جا رہا ہے، کورونا کے 11نئے معاملے سامنے آنے کے بعد یہاں کورونا کے مریضوں کی مجموعی تعداد 3 ہزار 82 تک جا پہنچی ہے، جبکہ 62 افراد اب تک ہلاک ہو چکے ہیں۔