مذہب تبدیلی معاملے میں ہائی کورٹ کے حکم پر سختی سے پیروی کی جائے گی: یوگی

اترپردیش کے وزیراعلی یوگی آدتیہ ناتھ نے آج واضح لفظوں میں کہا ہے کہ الہ آباد ہائی کورٹ کے حکم پر کہ شادی کے لئے مذہب کی تبدیلی غیرقانونی ہے، پر سختی سے پیروی کی جائے گی اور جلد ہی اس کے لئے موثر قانون بنایا جائےگا۔

یوگی آدتیہ ناتھ نے سنیچر کو جونپور ضلع میں ملہانی اسمبلی حلقہ کے ضمنی انتخابات میں پارٹی کے امیدوار منوج سنگھ کے حمایت میں سکرارا چوراہے کے نزدیک باغیچے میں ایک انتخابی جلسے سے خطاب کرتے ہوئے کہا کہ الہ آباد ہائی کورٹ نے صرف شادی کےلئے مذہب تبدیل کرنے کو غیر قانونی قرار دیا ہے۔ اب اس کی پیروی سختی سے کرائی جائے گی اور اس کے لئے جلد ہی موثر قانون بنایا جائے گا۔

انہوں نے کہاکہ بہن۔بیٹیوں کی دفاع کے لیے بھارتیہ جنتا پارٹی پرعزم ہے۔ اس کے لئے کئی منصوبوں جیسے مشن شکتی وغیرہ چلائی جارہی ہے اور اب قانون بنانے کے بعد جو لوگ بہن بیٹیوں کے ساتھ کھیلواڑ کریں گے ان کے خلاف سخت کارروائی کی جائے گی۔

انہوں نے کہا کہ یا تو وہ سدھر جائیں نہیں تو انہیں سنگین نتائج کا سامنا کرنا پڑے گا۔