اتر پردیش کے ضلع بارہ بنکی میں 120 طلبہ جنرل ڈیوٹی اسسٹنٹ، ہوم ہیلتھ ایڈ، جی ڈی اے (کریٹکل کئیر)، پھیلوبوٹمسٹ، ایمرجنسی میڈکل ٹیکنشین بیسک اور میڈکل اکیوپمینٹ ٹیکنالوجی اسسٹنٹ جیسی ٹریڈ میں ٹریننگ حاصل کر سکیں گے۔
ان تمام چھ ٹریڈرس کے لیے داخلہ کا عمل جاری ہے۔ ہائی اسکول انٹرمیڈیٹ پاس 18-35 برس کے طلبہ اس میں داخلہ لے سکتے ہیں۔ تمام طلبہ کے انتخابات کے بعد ان کی ٹیکہ کاری ہوگی۔ اس کے بعد ٹریننگ کا آغاز کیا جائے گا۔
یہ ایک ماہ کی ٹریننگ آئی ٹی آئی میں ہوگی۔ اس کے بعد 2 ماہ کی آن جاب ٹریننگ ہوگی۔ حکومت کی اس پہل سے معاشرے کو فائدہ ہوگا۔ اس سے دور دارز کے علاقوں میں پروفیشنلز ہیلتھ کی کمی تو دور ہوگی ہی، ساتھ ہی بے روزگار نوجوانوں کے لیے روزگار کے مواقع بھی ملیں گے۔
