بارہ بنکی: تو کیا اعظم خاں کو بھول گئی ہے سماجوادی پارٹی؟

کیا سماجوادی پارٹی کے بانی رکن اور سماجوادی پارٹی کے سینئر رہنما رکن پارلیمان اعظم خان کو سماجوادی پارٹی بھول گئی ہے؟ پارٹی کی سرگرمیوں سے کچھ ایسا ہی محسوس ہورہا ہے۔

ریاست اتر پردیش کے ضلع بارہ بنکی میں گاندھی جینتی کے موقع پر پارٹی کے پروگرام میں جو کچھ ہوا اس سے یہ بات واضح ہو جاتی ہے شاید سماجودی پارٹی اعظم خان کو بھول گئی ہے۔

دراصل سماجوادی پارٹی کے ستیہ گرہ پروگرام میں سماجوادی پارٹی کے کچھ کارکنان ریاستی صدر ملائم سنگھ یوتھ برگیڈ کے ریاستی صدر انیس راجا کی رہائی کے لیے تختیاں لیے ہوئے تھے۔ میڈیا کو دیکھ کارکنان نے ان تختیوں کو اور اوپر کیا۔

اس موقعے پر جب میڈیا کے نمائندے نے اعظم کی رہائی کے تعلق سے پارٹی کارکنان سے سوال کیا تو ایس پی کارکنان بغلیں جھاکنے لگے۔ بعد وہاں موجود سینئیر لیڈران نے ان تختیوں کو جمع کرا لیا۔ اس سے متعلق جب سماجوادی پارٹی کے ضلع صدر سے سوال کیا گیا تو پہلے انہیں جواب دیتے نہیں بنا۔ پھر انہوں نے میڈیا کی نظروں پر ہی سوال کھڑے کر دئے۔