ہردوئی: سڑک حادثے میں آئی ٹی بی پی کے ایس آئی کی موت

اترپردیش کے ضلع ہردوئی کے ملاواں علاقے میں ہفتہ کو ایک تیز رفتار کار کے کھائی میں پلٹ جانے سے آئی ٹی بی پی کے سب انسپکٹر کی موت ہوگئی جبکہ دیگر تین افراد شدید طور سے زخمی ہوگئے۔

پولیس ذرائع نے بتایا کہ آئی ٹی بی پی سے وابستہ سبھی لوگ اتراکھنڈ سے کانپور ڈیوٹی جوائن کرنے جارہے تھے کہ صبح تقریبا چھ بجے ملاواں کوتوالی علاقے میں کٹرا بلہور شاہراہ پر گوری چوراہے کے نزدیک کار بے قابو ہوکر سڑک کنارے کھائی میں پلٹ گئی۔

انہوں نے بتایا کہ کار میں آئی ٹی بی پی کے چار جوان اور ڈروائیور سوار تھے ۔کارڈرائیور کو اچانک جھپکی آجانے کی وجہ سے تیز رفتار کار نیچے کھائی میں جاکر پلٹ گئی۔حادثے کی جانکاری ملنے کے بعد موقع پر پہنچی پولیس نے کار سوار سبھی زخمیوں کو ایمبولنس کے ذریعہ ہستپال بھیجا جہاں دوران علاج ایس پی پرتاپ سنگھ کی موت ہو گئی جبکہ زخمی پدم سنگھ،پرمود سنگھ، راکیش سنگھ اور ڈرائیور اجے تیواری کا علاج چل رہا ہے۔