ای ٹی وی بھارت نے آٹھ نومبر کو اس مسئلے کی خبر ترجیحی طور پر شائع کی تھی۔
بارہ بنکی میں دیوا روڈ پر آنند بھون اسکول سے جیل کے آگے تک بنے اس فلائی اوور سے سیتاپور لکھیم پور ہوتے ہوئے دہلی تک ہر قسم کی گاڑیاں گزرتی ہیں، آنند بھون اسکول کے سامنے فلائی اوور کی باؤنڈری کے نیچے سے پائپ لائن سے مسلسل پانی بہہ رہا تھا، لوگ فلائی اوور کے نقصان کا خدشہ بھی ظاہر کر رہے تھے لیکن انتظامیہ نے اس جانب توجہ نہیں دی تھی۔
آٹھ نومبر کو خبر شائع ہونے کے بعد اب انتظامیہ نے اس اس جانب توجہ دی اور پائپ لائن کی مرمت کا کام شروع کر دیا۔
واضح رہے کہ فلائی اوور کے نیچے پڑی پائپ لائن سے مسلسل کئی ماہ سے پانی بہہ رہا تھا جس سے پل کو خطرہ تو تھا ہی ساتھ ہی سڑک پر بہتے پانی سے روز چھوٹے بڑے حادثے بھی ہوتے تھے لیکن اب پائپ لائن کی مرمت کا کام شروع ہونے کے بعد لوگ خوش ہیں کہ یہ پریشانی دور ہو جائے گی۔
پائپ لائن کی مرمت سے خوش افراد اس پریشانی سے نجات دلانے کے لئے ای ٹی وی بھارت کا شکریہ بھی ادا کر رہے ہیں۔