سلینڈر میں آتشزدگی سے سازو سامان جل کر خاک

ریاست اترپردیش کے ضلع بجنور میں گھریلو سلینڈر میں کھانا بنانے کے دوران آگ لگنے سے گھر میں رکھا سازو سامان جل کر خاک ہو گیا۔

ریاست اترپردیش کے ضلع بجنور کے تھانہ نہٹور کے نوندھا علا قے میں کھانا بنانے کے دوران اچانک سلینڈر لیک ہونے سے گھر میں آگ لگ گئی-

گھر میں رکھے کپڑے و قیمتی سامان جل کر راکھ ہو گیے۔ بمشکل گاؤں والوں کی مدد سے آگ پر قابو پایا گیا۔ جب تک آگ پر قابو پایا جاتا تب تک غریب خاندان کا سارا سامان جل کر خاک ہو گیا۔

باورچی خانہ میں ناشتہ بنا رہی شبانہ کے پاس اس کے دو معصوم بچے بھی تھے۔ دونوں بچوں کو شبانہ نے بچا لیا۔