اردو اکادمی سے شعرا و ادیب کو ملتا ہے ہر ماہ مالی تعاون

یوپی اردو اکادمی کے سیکریٹری ایس رضوان نے کے مطابق اکادمی پریشان حال شعراء، ادیب، مصنف اور صحافیوں کی مالی تعاون کرنے کے ساتھ ساتھ انکو ماہانہ وظیفہ بھی دیتی ہے، اور اکادمی 137 ایسے افراد کی مالی امداد بھی کر رہی ہے۔

اترپردیش اردو اکادمی اردو زبان کے فروغ کے لیے متعدد اسکیمیں چلا رہی ہے، اس کے علاوہ اکادمی پریشان حال شعراء، ادیب، مصنف اور صحافیوں کی مالی تعاون کرنے کے ساتھ ساتھ ایسے لوگوں کو ماہانہ وظیفہ بھی دیا جاتا ہے۔

اردو اکادمی کے سیکریٹری ایس رضوان نے ای ٹی وی بھارت کو بتایا کہ ہمارے یہاں سے شعراء، ادیب، مصنف اور صحافیوں کی مالی امداد چند شرائط کو پورا کرنے کے بعد دیا جاتا ہے۔

ایس رضوان نے بتایا کہ اکادمی ان شعراء، ادیب، مصنف اور صحافیوں کی مالی امداد کرتی ہے، جن کی عمر 60 سال یا اس سے زیادہ ہو اور ان کی مالی حالت بہتر نہ ہو، اس کے لیے اکادمی میں فارم بھرنا ہوتا ہے، اکادمی کے ذمہ داران فارم کی جانچ پڑتال کرنے کے بعد ماہانہ وظیفہ جاری کرتی ہے۔

اردو اکادمی کے سیکریٹری نے بتایا کہ اکادمی اردو زبان کے صحافیوں کی بھی معاشی طور پر مدد فراہم کرتی ہے، انہوں نے بتایا کہ اس اسکیم میں عمر کی کوئی بندش نہیں ہے، اگر کوئی صحافی لمبے عرصے سے بیمار ہے یا اسے ایسی بیماری ہوگئی ہے، جس کے علاج میں زیادہ پیسوں کی ضرورت ہوتی ہے، تو ان کے لیے اردو اکادمی 20 ہزار روپے سے لیکر کر 50 ہزار روپے تک کں مالی امداد کرتی ہے۔

قابل ذکر ہے کہ اردو اکادمی 137 شعراء، ادیب، مصنف اور صحافیوں کی مالی امداد کر رہی ہے، جن کو ماہانہ تین ہزار روپے بطور وظیفہ دیا جاتا ہے، کورونا وبا کے چلتے لاک ڈاؤن نافذ ہونے کے باوجود اکادمی نے تمام لوگوں کو پیشن دی ہے کیونکہ ایسے حالات میں لوگوں کو مزید ضروت ہوتی ہے۔