پولنگ بوتھ سے دو مشتبہ افراد حراست میں

اُترپردیش کی 11 اسمبلی سیٹوں پر چل رہی پولنگ کے درمیان پولیس نے رامپور اسمبلی حلقے میں ایک فرضی پولنگ ایجنٹ کو گرفتار کیا ہے۔

آفیشنل ذرائع کے مطابق رضا ڈگری کالج پونگ بوتھ سے پولیس نے ایک فرضی ایجنٹ کو حراست میں لیا ہے۔وہ پولیس کو اپنا شناختی کارڈ نہیں دکھا پایا ہے۔ وہیں ببنپوری پولنگ بوتھ پر گڑبڑی کرنے والوں کے ساتھ پولیس اہلکار نے سختی برتتے ہوئے پولنگ بوتھ سے بھگا دیا۔

رامپور کے ڈی ایم آنجنے کما سنگھ نے بتایا کہ 'دو مشتبہ افراد کو پولنگ بوتھ کے قریب سے حراست میں لیا گیا ہے۔ جن میں سے ایک کی پوچھ گچھ کی جارہی ہے'۔

شہزاد نگر اور سیول لائنس تھانہ علاقے میں بھی پولیس نے سات افراد کو پولنگ میں گڑبڑی مچانے کے الزام میں حراست میں لیا ہے۔ پولیس ان سے بھی پوچھ گچھ کررہی ہے۔