ملائم سنگھ یادو لکھنؤ کے میدانتا ہسپتال میں داخل

اترپردیش کے سابق وزیر اعلیٰ ملائم سنگھ یادو کو پیٹ کی تکلیف کے باعث دارالحکومت لکھنؤ کے میدانتا ہسپتال میں داخل کرایا گیا ہے۔ اب ان کی حالت میں نمایاں بہتری آئی ہے۔

ریاست اترپردیش کے سابق وزیر اعلیٰ ملائم سنگھ یادو کو پچھلے 5 دن سے پیٹ کی تکلیف تھی جس کے بعد انہیں آج دارالحکومت لکھنؤ کے میدانتا ہسپتال میں داخل کرایا گیا جہاں ڈاکٹر ان کا علاج کر رہے ہیں۔ ڈاکٹروں کے مطابق، اب ان کی حالت پہلے سے بہتر ہے۔ لیکن پھر بھی مشاہدے میں رکھا گیا ہے۔

میدانتا ہاسپٹل کے ڈائریکٹر میڈیسن ڈاکٹر راکیش کپور نے جانکاری دیتے ہوئے بتایا کہ ملائم سنگھ یادو کو پچھلے 5 دن سے پیٹ میں تکلیف ہو رہی تھی، جس کے بعد انہیں میدانتا ہسپتال میں داخل کرایا گیا۔ تحقیقات کے دوران پتہ چلا کہ ان کی بڑی آنت میں کافی فیشیز جمع ہوا تھا، جس کی وجہ سے انہیں پیٹ کا مسئلہ درپیش آیا، جسے اینیما اور کالونوسکوپی کے ذریعہ فیشیز کو ہٹایا گیا۔ جس کے بعد اب انہیں کافی آرام ہے۔ جس کے بعد اب وہ کھانا پینا بھی کھا پی رہے ہیں۔

ڈاکٹروں نے بتایا کہ ابھی انہیں مشاہدے میں رکھا گیا ہے۔ انہیں کل تک ڈشچارج کر دیا جائے گا۔