بارہ بنکی : آخری رسومات میں شرکت کا انوکھا پروگرام

سابق مرکزی وزیر آنجہانی بینی پرساد ورما کے آخری رسومات میں شرکت نہ کر پانے والوں کو خراج عقیدت پیش کرانے کے لئے ان کے قریبی افراد نے منفرد پہل کی ہے۔

ریاست اتر پردیش کے بارہ بنکی کے موہن لال ڈگری کالج میں بینی پرساد ورما کی زیر تعمیر سمادھی میں مٹھی بھر مٹی خراج عقیدت کا اہتمام کیا گیا ہے۔

گذشتہ 25 دسمبر 2020 کو شروع ہوئے اس سہ روزہ پروگرام کے آخری روز تک دور دراز کے تقریباً 15 ہزار افراد نے بینی ورما کی سمادھی میں مٹی ڈال کر انہیں خراج عقیدت پیش کی۔

واضح ہو کہ متعدد دفعہ مرکز اور ریاست میں وزیر رہے بینی پرساد ورما کا انتقال رواں برس 27 مارچ 2020 کو ہو گیا تھا۔

کووڈ-19 کی گائیڈلائین کی وجہ سے ان کی آخری رسومات میں ان کے تمام حامی شرکت نہیں کر پائے تھے۔

اسی کے پیش نظر بینی پرساد ورما کے کنبے اور ان کے قریبی افراد نے اس پروگرام کا احتمام کیا ہے۔

تین روزہ یہ پروگرام اتوار کو اختتام پزیر ہو گیا. اس پروگرام میں شرکت کرنے کے لئے تمام اضلاع سے ہزاروں کی تعداد میں ان کے حامیوں نے پہونچ کر اپنے رہنما کو خراج عقیدت پیش کی۔

آپ کو بتا دیں کہ بارہ بنکی شہر میں نئے بس اسٹینڈ کے قریب موہن لال ڈگری کالج میں جس جگہ پر بینی پرساد ورما کا آخری رسومات مکمل ہوا تھا اسی جگہ پر ان کی سمادھی زیر تعمیر ہے۔

اسی کے سامنے ان کا مجسمہ لگایا جا رہا ہے. یہ تمام کام 27 مارچ سے قبل مکمل ہو جائے گا۔

اس کے بعد 27 مارچ 2021 کو ان کی پہلی برسی پر انہیں خراج عقیدت پیش کرنے کے لئے ایک بڑا پروگرام منعقد ہوگا۔