'احتیاطی تدابیر سے ہی کورونا وائرس کو شکست دے سکتے ہیں'

ضلع بارہ بنکی انڈین میڈیکل ایسو سی ایشن کے صدر ڈاکٹر ایس کے جین نے کورونا وائرس سے بچاؤ کے لیے احتیاطی تدابیر اختیار کرنے کو ہی واحد راستہ قرار دیا ہے۔

ریاست اتر پردیش کے ضلع بارہ بنکی انڈین میڈیکل ایسوسی ایشن کے صدر اور مشہور فیزیشین ڈاکٹر ایس کے جین نے کورونا وائرس سے بچنے کے لیے قلبی اور بلڈ پریشر مریض کو زیادہ احتیاط برتنے کا مشورہ دیا ہے۔

ڈاکٹر ایس کے جین کا مشورہ ہے کہ ایسے تمام مریض اپنے روزآنہ معمول کے مطابق عمل کرتے رہیں لیکن ضروری یہ ہے کہ مناسب دوری بنائے رکھیں اور مسلسل ہاتھوں کو دھوتے رہیں اور ماسک کا استعمال بھی ان کے لیے نہایت ہی ضروری ہے۔

ایس کے جین نے مزید کہا کہ ’اس دوران یہ خیال رہے کہ اتنی ہی ورزش کریں جس سے پسینہ بدن سے نہ نکلے. ان مریضوں کے لیے کھانے پینے کا خاص خیال رکھا جاتا ہے۔

ڈاکٹر ایس کے جین نے کھانے کے بارے میں کہا کہ ’اس دوران کھانے پینے کا کوئی خاص مسئلہ نہیں ہے بلکہ ہم جو کچھ بھی کھا رہے ہیں وہ صاف ستھرا ہو اور باہر سے آنے والی اشیاء پر خصوصی توجہ کی ضرورت ہے۔