رامپور میں کورونا متاثرین کی تعداد میں تخفیف، عوام کو راحت کی امید

رامپور میں کورونا کے کیسز میں کافی کمی درج کی گئی ہے۔ رامپور کے صدر ہسپتال میں قائم آئیسولیشن وارڈ میں جہاں کورونا متاثرین کو رکھا جاتا تھا۔ اب وہاں ایک بھی مریض نہ ہونے سے اس میں تالا لگا دیا گیا ہے۔

ریاست اترپردیش کے شہر رامپور میں کورونا متاثرین کی رفتار کو کم کرنے اور اس کی چین توڑنے میں ضلع انتظامیہ کو کامیابی ضرور ملی ہے۔ ضلع میں پہلے تقریباً ایک ہزار سے 1200 لوگوں کی جانچ ہوتی تھی لیکن اب 3 ہزار تک جانچ کی جارہی ہے۔

کووڈ ہسپتالوں میں دن بہ دن کورونا کے مریض کم ہوتے جا رہے ہیں جبکہ وہیں محمد علی جوہر یونیورسٹی کے جوہر انسٹیٹیوٹ آف میڈیکل سائنسز کے کووڈ تشخیص سینٹر میں کوئی بھی کورونا کا مریض نہیں ہے۔

رامپور کے صدر ہسپتال میں قائم آئیسولیشن وارڈ میں جہاں کورونا متاثرین کو رکھا جاتا تھا اب وہاں ایک بھی مریض نہ ہونے سے اس میں تالا لگا دیا گیا ہے۔

کورونا پر قابو حاصل کرنے میں ضلع انتظامیہ اور محکمہ صحت نے بھی راحت کی سانس لی ہے۔ کورونا کی دوسری لہر میں مئی کا مہینہ کافی خطرناک ثابت ہوا ہے۔

کورونا کیسز میں کمی درج ہونے پر ضلع کلکٹر رویندر کمار مندار نے کہا کہ کورونا کیسز میں کمی ضرور آئی ہے لیکن کورونا پروٹوکول کا ہم سب کو ابھی بھی پورا خیال رکھنا ہے۔

کورونا کیسز میں تخفیف کے بعد ضلع کے باشندوں کو انتظامیہ کی جانب سے کس طرح کی راحتیں دی جائیں گی تو انہوں نے کہا کہ حکومت کی جانب سے جس طرح کی ہدایات موصول ہوں گی اسی کی کے مطابق راحتیں ملیں گی۔