ریاست اتر پردیش کے ضلع بارہ بنکی میں محکمہ بجلی کے کانٹریکٹ ملازمین نے تنخواہ نہ ملنے کی وجہ سے ایس ڈی او دفتر پر غیر معینہ احتجاج شروع کر دیا ہے۔
احتجاج کے دوران ملازمین نے اورین کمپنی اور بجلی افسران کے خلاف اپنی ناراضگی کا اظہار کرتے ہوئے نعرے بازی کی۔
احتجاج کررہے ملازمین کا کہنا ہے کہ اگران کے مطالبات کو تسلیم نہیں کیا جاتا ہے تو وہ ہولی کا تہوار نہیں منائیں گے۔
محکمہ بجلی کے کانٹریکٹ ملازمیں کا الزام ہے کہ کئی ماہ سے اورین کمپنی کی جانب تنخواہ نہیں دی جا رہی ہے جبکہ وزیر توانائی کا حکم ہے کہ ہولی سے قبل ہی سب کو تنخواہ دے دی جائے اور اورین کمپنی بغیر نوٹس کے ملازمین کو نوکری سے نکال رہی ہے.
انہوں نے کہا کہ تنخواہ نہ ملنے سے انکی مالی حالت خراب ہے جس کی وجہ سے وہ ہولی کا تہوار بھی نہیں منا پائیں گے۔