امن مارچ کی اجازت نہیں ملنے پر کانگریس ناراض

ریاست اتر پردیش کے ضلع امروہہ میں کلیکٹر ہاؤس پرکانگریس پارٹی کے عہدیداروں اور کارکنان نے ایک احتجاج کیا اور ضلع مجسٹریٹ کو ایک میمورنڈم دیا۔

کانگریس پارٹی کے ضلع صدر اونکر کٹاریہ نے ضلع کلکٹریٹ پر اپنے عہدیدران کے ساتھ زور دار احتجاج کیا۔ ضلع صدر نے صحافیوں سے روبرو ہوتے ہوئے کہا کہ 'گزشتہ 12 جنوری کو بھارتیہ جنتا پارٹی کے کارکنوں نے امروہہ شہر میں ایک مارچ نکالا جو ایک جلوس کی شکل میں نکالا گیا اور انہوں نے قابل اعتراض نعرے بھی لگائے'۔

ضلع صدر نے کہا کہ 'ہم نے بھی کانگریس کی جانب سے ایک امن مارچ نکلنے کی اجازت مانگی تھی، لیکن ہمیں اجازت نہیں دی گئی۔

اونکر کٹاریاں نے کہا کہ' امن مارچ کی اجازت کیوں نہیں مل رہی؟ انہوں کہا کہ ہم ڈسٹرکٹ مجسٹریٹ سے یہ پوچھنا چاہتے ہیں کہ جب ہم پرامن طور پرمارچ کرنا چاہتے ہیں تو ہمیں اجازت کیوں نہیں دے رہے ہیں۔ ہم غیر متشدد لوگ ہیں۔

انہوں نے کہا کہ 'ضلعی مجسٹریٹ سے یہ معلوم کرنا چاہتے ہیں ہم کو اجازات کیوں نہیں دی گئی اور بھارتیہ جنتا پارٹی کو کیسے مارچ نکالنے کی اجازت دی گئی۔ ضلع صدر نے کہا کہ' ہم شہریت ترمیمی قانون کی مخالفت کرتے ہیں اور کرتے رہیں گے۔