ادیتی سنگھ نے کانگریس کے موقف کو مسترد کردیا

اترپردیش اسمبلی کا ایک خصوصی 36 گھنٹوں کا سیشن بدھ کے روز شروع ہوا ،جس میں کانگریس کی رکن اسمبلی ادیتی سنگھ نے بھی حصہ لیا۔ جبکہ کانگریس نے اس سیشن کا بائکاٹ کیا تھا۔

حکومت نے گاندھی جینتی کے موقع پر خصوصی سیشن منعقد کیا۔ ترقیاتی امور پر بحث ومباحثہ کرنے اور لائحہ عمل طئے کرنے کے لیے یہ سیشن منعقد کیا جس کا اپوزیشن نے بائکاٹ کیا۔
اس موقع پر کانگریس کی رائے بریلی سے رکن اسمبلی ادیتی سنگھ سب کی مرکز توجہ تھیں ،انھوں نے اپنی پارٹی کے موقف کو مسترد کیا اور سیشن میں شرکت کی۔
اس ضمن میں انھوں نے بتایا کہ وہ سیاسی مفادات سے بالاتر ہوکر کام کرنے میں یقین رکھتی ہیں اور انھوں نے ترقی کے موضوع پر منعقدہ سیشن میں حصہ لینا مناسب سمجھا اور اپنی تقریر بھی ترقی سے متعلق کی، انھوں نے کہا کہ جس طرح انھوں نے اپنی پارٹی کے موقف سے ہٹ کر آرٹیکل 370 کو ہٹانے پر حکومت کی حمایت کی تھی۔
پارٹی ہائی کمان کی جانب سے آیا ان کے خلاف کسی قسم کی کاروائی ہونے کے سوال پر انھوں نے کہا کہ پارٹی جو فیصلہ لے گی انھیں منظور ہوگا۔