مظفر نگر کی سماجی تنظیم برائٹ فیوچر کے زیر اہتمام شہر کے میملانا روڈ کے سمراٹ انٹر کالج میں،اردو گیان، مقابلہ کے فاتحین کو انعامات سے نوازا گیا۔
اردو کے فروغ کے لیے انعامی مقابلے کا انعقاد مذکورہ ادارہ کے صدر فیصل کاظمی نے کہا کہ پروگرام کا مقصد اردو تعلیم کے بارے میں طلباء میں شعور اور تجسس کو بڑھانا ہے۔اس موقع پر انعامی مقابلے میں طلبا نے حصہ لیا۔ تقریبا 40 اداروں کے سینکڑوں طلبا نے حصہ لیا۔ مسابقے کا نتیجہ تقریبا 78 فیصد کامیاب رہا ۔برائٹ فیوچر ویلفیئر سوسائٹی کے ذمہ داران نے کہا کہ طلبا میں تعلیم کے فروغ کے لیے ہر برس اس طرح کے مقابلوں کا اہتمام کرتی رہے گی۔ جس میں سینئر سماجی کارکنوں اور افسران کی مدد لی جائے گی۔اس پروگرام کی صدارت ندھیش راج گرگ اور ایم اے گوڑ نے نظامت کی۔ مجسٹریٹز معظم احمد اور ناظم اکبر نے بطور مہمان خصوصی شرکت کی۔ ان کے علاوہ بینا شرما ، ڈاکٹر سمراٹ اور اسد زما اور ثنا تھانوی وغیرہ بھی پروگرام میں موجود تھے۔
