امروہہ: وائرل ویڈیو میں شراب بناتے نظر آئے بچے

امروہہ ضلع کے گجرولہ تھانہ کے کھادر علاقے میں نابالغ بچوں کے شراب بنانے کی ویڈیو وائرل ہونے کے بعد سپرنٹنڈنٹ آف پولیس سنیتی نے اس پورے معاملہ کی تفتیش کی بات کہی ہے۔

ریاست اتر پردیش کے ضلع امروہہ کے گجرولا پولیس اسٹیشن علاقے کے کھادر میں، بڑے پیمانے پر غیر قانونی شراب کا کاروبار سالوں سے ہوتا رہا ہے۔ یہاں متعدد علاقوں میں شراب غیرقانونی طور پر آگ سے بنائی جاتی ہے اور دور دراز علاقوں میں کچی شراب بنا کر سپلائی کی جاتی ہے۔

بلیند شہر میں کچی شراب سے ہوئی واردات کے بعد امروہہ انتظامیہ نے بھی غیر قانونی شراب کا کام کرنے والوں پر کارروائی کی ہے، لیکن اس کے باوجود کھادر کے علاقے میں لوگ غیر قانونی شراب بنانے میں مصروف ہیں۔

اس کا انداز سوشل میڈیا پر وائرل ہوئی ایک ویڈیو سے لگایا جا سکتا ہے جس میں شراب کی بھٹی کے قریب بیٹھے معصوم شراب بناتے ہوئے دکھائی دے رہے ہیں۔

ویڈیو منظر عام پر آنے کے بعد امروہہ کی سپرنٹنڈنٹ پولیس سنیتی نے وائرل ویڈیو کی تحقیقات کے ساتھ ساتھ اس پورے معاملے میں کارروائی کرنے کی بات کہی ہے اور کہا ہے کہ پولیس اور محکمہ ابکاری کی ٹیم مشترکہ مہم چلا کر غیر قانونی شراب بنانے والوں پر کارروائی کو انجام دے گی۔