سی اے اے کو بطور مضمون نصاب میں شامل کرنے کا عزم

لکھنئو یونیورسٹی پالیٹکل سائنس ڈپارٹمنٹ کے ایچ او ڈی ششی شکلا نے کہاکہ' ہم لوگ طلبا کو آئین اور شہریت کی تعلیم دیتے ہیں اور یہ مسائل بھارتی سیاست کے عصری مسائل میں سے ایک ہے۔ ہم اسے اپنے طلباء کو پڑھانا چاہتے ہیں'۔

شہریت ترمیمی قانون کے خلاف جاری احتجاج کے پیش نظر لکھنؤ یونیورسٹی کے پولیٹیکل سائنس ڈیپارٹمنٹ نے اسے بطور مضمون اپنے نصاب میں شامل کرنے کا اراداہ کیا ہے۔

سائنس ڈپارٹمنٹ کے ایچ او ڈی ششی شکلا نے کہاکہ' ہم لوگ طلبا کو آئین اور شہریت کی تعلیم دیتے ہیں اور یہ مسائل بھارتی سیاست کے عصری مسائل میں سے ایک ہے۔ ہم اسے اپنے طلباء کو پڑھانا چاہتے ہیں'۔

ایچ او ڈی نے کہاکہ' خاص طور پر اس تعلق سے طلبا ہم سے گفتگو کرتے ہیں کیونکہ ان طلبا سے بھی لوگ پوچھتے ہیں اس سے ہمیں یہ لگتا ہے کہ اس مضامین کو شامل کیا جانا چاہئے۔'

انہوں نے مزید کہاکہ' اس میں کچھ وقت لگے گا۔ اگر تعلیمی اداروں نے اسے منظور کرلیا تو اسے آئندہ برس سے شامل کیا جاسکتا ہے'۔

انہوں نے کہاکہ' ہمارے پاس بھارتی سیاست سے متعلق ایک مقالہ ہے جس سے ہم عصری امور کی تعلیم دیتے ہیں۔ اس بار ہم اسے بھی شامل کرنے کا ارادہ رکھتے ہیں'۔