بنکروں کے مسائل جلد ہی حل ہوں گے:یوگی

اترپردیش کے وزیر اعلی یوگی آدتیہ ناتھ نے بنکروں کو تیقن دیتے ہوئے کہا ہے کہ جلد ہی ان کے مسائل کا حل نکالا جائے گا۔

فلیٹ ریٹ پر بجلی فراہمی کے مطالبے کے ساتھ سراپا احتجاج بنکروں کے مندوب کو وزیر اعلی نے تیقن دیا ہے کہ جلد ہی ان کے مسائل کو حل کیا جائے گا۔ بنکر ویلفیئر سوسائٹی کا مندوب جمعرات کو یہاں گورکھ ناتھ مندر میں وزیر اعلی یوگی آدتیہ سے ملاقات کی اور انہیں اپنا مطالباتی خط سونپا۔

مطالباتی خط میں کہا گیا ہے کہ ایڈیشنل چیف سکریٹری ہترکگھا کے ساتھ ہوئی بات چیت کے دوران ہوئی رضا مندی کو نافذ کیا جائے۔ اس پر عمل نہ ہونے کی صورت میں محکمہ بجلی بنکروں کا استحصال کررہا ہے۔اس لئے 15اکتوبر سے پاور لوم غیر معینہ بند پڑے ہیں۔

وفد کی قیادت کررہے جنید نے میڈیا نمائندوں کو بتایا کہ وزیر اعلی یوگی آدتیہ ناتھ نے ان کے مسائل کو سننے کے بعد انہیں جلد از جلد حل کرنے کا تیقن دیا ہے۔