بی ایس پی تنہا الیکشن لڑے گی: دنیش چندرا

بی ایس پی کے سینیئر لیڈر دنیش چندرا نے بی ایس پی پرعائد کیے جانے والے تمام الزامات کی تردید کرتے ہوئے شاعرانہ انداز میں کہا کہ کچھ تو لوگ کہیں گے، لوگوں کا کام ہے کہنا۔ ساتھ ہی انہوں یہ بھی واضح کیا ہے کہ ان کی پارٹی آئندہ انتخابات میں تنہا میدان اترے گی۔

ریاست اترپردیش کے بارہ بنکی میں سنیچر کو منعقد کارکنان اجلاس کے بعد صحافیوں سے گفتگو کے دوران جب دنیش چندرا سے سوال کیا گیا کہ آپ کی پارٹی پر الزام ہے کہ وہ بی جے پی کی بی ٹیم ہے اور وہ انتخابات کے بعد بی جے پی سے اتحاد کر لے گی۔ یہ افواہیں بی ایس پی کے لیے کتنا بڑا چیلنج ہے۔

چندرا نے کہا کہ بی ایس پی کے لیے کوئی چیلینج نہیں ہے۔ کچھ تو لوگ کہیں گے، لوگوں کا کام ہے کہنا۔

ساتھ ہی انہوں نے کہا کہ بی ایس پی کا ایک مشن ہے۔ ہم سب اس پر کام کر رہے ہیں۔

اویسی کے آنے سے نقصان کے سوال پر انہوں نے کہا کہ ہم کسی اور کی بات نہیں کرتے، ہم اپنا کام کرتے ہیں۔ ہم انتخابات کی تیاری کر رہے ہیں اور ہم کامیاب ہوں گے۔

اتحاد کے سوال پر انہوں واضح کیا کہ بی ایس پی کسی سے اتحاد نہیں کرے گی۔