چوری کی واردات کو انجام دینے والے گرفتار

ریاست اترپردیش کے ضلع بجنور میں پولیس نے ایک ایسے گروہ کا انکشاف کیا ہے جو گزشتہ کافی عرصے سے گروپ بنا کر چوری کی واردات کو انجام دیا کرتا تھا، پولیس نے چار بدمعاشوں کو گرفتار بھی کیا ہے۔

پولیس نے ان کے پاس سے غیر قانونی ہتھیار اور کارتوس سمیت 50 ہزار روپے بھی برآمد کیے ہیں۔

ضلع بجنور کے تھانہ شیر کوٹ پولیس نے الگ الگ گروپ کے چار بدمعاشوں کو گرفتار کر لیا ہے جن کی پہچان شمشاد، فرقان، یونس اور انیس کے طور پر ہوئی ہے اور یہ چاروں شیرکوٹ کے ہی رہنے والے ہیں۔

چاروں بدمعاش کافی عرصے سے گروپ بناکر چوری کی واردات کو انجام دیا کرتے تھے، پولیس چاروں کے خلاف سنگین دفعات میں مقدمہ درج کرکے جیل بھیجنے کی تیاری کررہی ہے