بجنور: کورونہ وائرس کے لئے ہسپتال میں وارڈ بنا

اتر پردیش کے بجنور میں کورونا وائرس سے نمٹنے کے لیے حکومت بےحد سنجیدہ ہے، جسے لیکر محکمہ صحت نے کورونا وائرس سے بچنے کے لیے ضلع بجنور کے ہسپتال میں ایسے مریضوں کے لیے الگ سے دس بیڈ کا ایک اسپیشل وارڈ تیار کیا گیا ہے۔

اترپردیش کے ضلع بجنور کے صدر ہسپتال میں کورونا وائرس سے بچنے کے لئے الگ وارڈ بنا کر دس بیڈ تیار کیے گئے ہیں۔ ڈاکٹروں نے وارڈ میں کورونا وائرس سے بچنے کے لیے ہر طرح کے انتظام کر رکھے ہیں۔ حالانکہ ابھی تک کورونا وائرس کا ایک بھی مریض نہیں آیا ہے۔ اس کے باوجود وارڈ میں چوبیس گھنٹے دو اسٹاف اور نرس کی تعیناتی کی گئی ہے۔

کورونا وائرس کو لیکر ہندوستان میں الرٹ جاری کیا گیا ہے، اس کی وجہ سے ریاستی حکومت بھی بے حد سنجیدہ ہے۔