بچہ چوری کی افواہوں سے بچیں

بارہ بنکی کے ضلع مجسٹریٹ آدرش سنگھ نے عوام سے اپیل کی ہے کہ بچہ چوروں کی افواہوں پھیلانے سے بچیں۔ انہوں نے آگاہ بھی کیا کہ افواہ پھیلانے کے الزام میں ان کے اوپر قانونی کاروائی بھی کی جا سکتی ہے۔

بارہ بنکی سمیت پوری ریاست میں ان دنوں بچہ چور گروہ کی افواہیں عام ہیں۔ سوشل میڈیا پر طرح طرح کے میسیج اور ویڈیو وائرل ہو رہے ہیں۔

اس کی وجہ سے خوف کا ماحول بھی ہے، ریاست کے ڈائریکٹر جنرل پولیس او پی سنگھ بھی لوگوں سے اس معاملے پر خاص اپیل کر چکے ہیں۔ تاہم بارہ بنکی میں ابھی اس قسم کی کوئی واردات پیش نہیں آئی ہے۔

لیکن ضلع مجسٹریٹ آدرش سنگھ نے لوگوں سے اپیل کی ہے کہ وہ اس قسم کی افواہ نہ پھیلائیں، انہوں نے لوگوں کو آگاہ بھی کیا ہے کہ افواہ پھیلانے پر ان کے خلاف قانونی کارروائی کی جائے گی۔

انہوں نے خاص طور پر سوشل میڈیا پر فعال رہنے والوں کو مشورہ دیا ہے کہ وہ کسی بھی میسیج کو آگےبھیجنے سے قبل اس کی تصدیق کر لیں۔