ضلع مجسٹریٹ شمبھو کمار نے آج پیاگپور میں واقع تال بگھیل کا معائنہ کیا اور وہاں موجود مقامی لوگوں سے ضروری معلومات حاصل کیں۔
اس موقع پر انہوں نے محکمہ جنگلات اور محکمہ ڈرینیز ڈویژن کے افسران کو ہدایت دی کہ یہاں کی دستیاب زمین کی مختلف نوعیت کی تفصیلات کے ساتھ نقشہ تیار کرا کے ایک تفصیلی ایکشن پلان تیار کریں۔
جس سے حکومت اترپردیش سے بجٹ منگا کر تال بگھیل کو ویٹلینڈ کی حیثیت سے تیار کر سیاحتی مقام کے طور پر پہچان دلایا جاسکے۔
ضلع مجسٹریٹ نے ہدایت کی کہ اس پورے علاقے کی ڈرون کیمرا فوٹو گرافی کرائی جائے۔ ضلع مجسٹریٹ نے محکمہ جنگلات کے افسران کو ہدایت کی کہ وہ تال بگھیل میں غیر قانونی شکار کرنے والوں کے خلاف ضابطہ کے مطابق وائلڈ لائف کرائم کے تحت مقدمہ درج کرکے کارروائی کریں۔ تاکہ قدرت کے انمول پرندوں کی حفاظت ہو سکے۔
اس موقع پر چیف ریونیو آفیسر پردیپ کمار یادو، ڈپٹی کلکٹر پیاگپور بابو رام، ڈویژنل فارسٹ آفیسر منیش سنگھ سمیت تمام افسران و ملازمین موجود رہے۔