سی اے اے کے خلاف احتجاج، ماحول پر امن

ریاست اترپردیش کے ضلع بہرائچ میں بعد نماز جمعہ شہریت ترمیمی قانون کے خلاف احتجاج کے بعد پولیس انتظامیہ مستعد نظر آرہی ہے۔

خیال رہے کہ مرکزی حکومت کی جانب سے متعارف کرائے گیے نئے شہریت ترمیمی قانون کے خلاف پورے ملک میں زبردست احتجاج جاری ہے۔ شہریت ترمیمی قانون کے خلاف مظاہرے ہر دن شدت اختیار کرتے جارہے ہیں اور مظاہرین پر پولیس کی زیادتی کی وجہ سے کئی افراد ہلاک ہو چکے ہیں۔

بہرائچ انتظامیہ نے دعوی کیا کہ اب شہر کے حالات معمول پر ہیں۔

ضلع مجسٹریت سمبھو کمار کا کہنا ہے کہ' شہر کے کسی بھی علاقے سے کوئی نا خوشگوار واقعہ کی کوئی اطلاع نہیں ہے۔ انہوں نے عوام سے پرامن ماحول بنائے رکھنے اور کسی کے بہکاوے میں آنے سے بچنے کی کو اپیل کی'۔