اتر پردیش کے ضلع بہرائچ کے تحت تھانہ جرول روڈ کی پولیس پر ایک نابالغ بچے پر تھرڈ ڈگری استعمال کرنے کا الزام ہے۔ الزام ہے کہ اس نابالغ بچے نے موبائل چرایا ہے۔ بچے کے جسم پر شدید چوٹیں آئی ہیں۔ انصاف کے لیے نابالغ ضلع پولیس کپتان کے دروازے پر پہنچا ہے۔ ایس پی شہر نے جانچ کے حکم دیے ہیں۔
پولیس پر نابالغ کو پیٹنے کا الزام
معاملہ بہرائچ کے تھانہ جرول روڈ علاقے کا ہے جہاں موبائل چوری کے الزام میں تھانہ انچارج ہرش وردھن سنگھ نے ایک 15 سالہ نابالغ بچہ آکاش کو حراست میں لے لیا۔ اکاش کے مطابق اس سے پوچھ تاچھ کر رہے تھے اور اکاش موبائل کی چوری کے الزام کو انکار کرتا رہا، جس سے ناراض انچارج نے اسے پٹہ سے پیٹنا شروع کر دیا۔ اس کی پٹائی کا ثبوت خود اس کی پیٹھ ہے، جس پر آئی چوٹوں کے نسان اس کی گواہی دے رہے ہیں۔