'مسلمانوں کی موجودہ صورتحال کی اصل وجہ قرآن و سنت سے دوری ہے'

آج ملک بھر میں مسلمانوں نے بابری مسجد کی شہادت کی برسی پر اپنے اپنے طور پر احتجاج کرکے غم و غصہ کا اظہار کیا۔ وہیں رامپور کی تاریخی جامع مسجد میں خطبہ جمعہ کے دوران امام مفتی محبوب علی نے بابری مسجد کا نام لیے بغیر مسلمانوں سے متحد ہونے اور ایمان کو مضبوط کرنے پر زور دیا۔

بابری مسجد شہادت کی 27 ویں برسی پر ریاست اترپردیش کے رامپور میں واقع جامع مسجد کے امام مفتی محبوب علی نے خطبہ جمعہ کے دوران مسلمانوں سے متحد ہونے پر زور دیا۔

انہوں نے مسلمانوں کی موجودہ صورتحال پر اپنی تشویش کا اظہار کرتے ہوئے کہا کہ قرآن و سنت سے دوری کی وجہ سے مسلمانوں میں دشمنوں کا خوف طاری ہو گیا ہے۔

آج ملک بھر میں مسلمانوں نے بابری مسجد کی شہادت کی برسی پر اپنے اپنے طور پر احتجاج کرکے غم و غصہ کا اظہار کیا۔ وہیں رامپور کی تاریخی جامع مسجد میں خطبہ جمعہ کے دوران امام مفتی محبوب علی نے بابری مسجد کا نام لیے بغیر مسلمانوں سے متحد ہونے اور ایمان کو مضبوط کرنے پر زور دیا۔

انہوں نے کہا کہ اگر مسلمان اپنے دین پر عمل نہیں کریں گے تو دشمنان دین کا خوف ان کے دلوں پر طاری ہو جائے گا۔

قابل ذکر ہے کہ ابھی دو روز قبل ہی رامپور میں پولیس اسٹیشنوں پر مسلمانوں کو جمع کرکے پولیس انتظامیہ نے 'امن میٹنگ' کا انعقاد کرکے احتجاجی مظاہرے نہ کرنے کا مشورہ دیا تھا۔

وہیں اس دوران پولیس کپتان اجئے پال شرما اور ایڈیشنل ایس پی ارون کمار، مفتی محبوب علی صاحب کی رہائش گاہ پر بھی گئے تھے۔ امید کی گئی تھی کہ یہ ملاقات 6 دسمبر کی تاریخ کو لےکر کی گئی ہے۔

واضح رہے کہ 27 برس میں یہ پہلا موقع ہے جب رامپور کی جامع مسجد سے خطبہ جمعہ کے دوران بابری مسجد کے سانحہ کو نہ یاد کیا گیا اور نہ ہی اس کی بازیابی کے لئے کوئی دعا کی گئی۔