ریاست اتر پردیش کے بارہ بنکی میں نہرو یوا کیندر کی جانب سے قومی یوم نوجوان ہفتے کے اختتامی تقریب کا اہتمام کیا گیا۔ اس تقریب میں نمایاں کارکردگی کا مظاہر کرنے والے 'نہرو یوا کیندر' کے رضاکاروں کو یادگاری نشان اور سند دیکر اعزاز سے نوازا گیا۔ اس موقع پر آبی تحفظ کے لیے 'کیچ دا رین' بیداری مہم کا بھی آغاز کیا گیا۔
نہرو یوا کیندر بارہ بنکی میں مرکزی حکومت کی جانب سے منتخب رکن دویانسو پرتاپ سنگھ نے کہا کہ' کیچ دا رین' پروگرام سے نوجوانوں کو منسلک کرانے کا مقصد اس مہم کو انجام تک پہنچانا ہے۔ انہوں نے کہا کہ ایسا نہیں ہے کہ ہم اس مہم میں دیگر لوگوں کو چھوڑ دیں گے، ہم سب کو لیکر چلیں گے تاکہ نچلی سطح تک آبی تحفظ کے لیے شروع کی گئی یہ مہم کامیاب ہو سکے۔'