سی پی آئی رہنما اتل انجان نے کورونا کو شکست دی

کمیونسٹ پارٹی آف انڈیا کے سکریٹری اتل کمار انجان نے کورانا سے جنگ جیت لی ہے اور صحتیاب ہوکر گھر واپس آگئے ہیں۔

دارالحکومت لکھنؤ کے میو اسپتال میں داخل مسٹر انجان کی دو رپورٹ منفی آئی، لہذا انہیں گذشتہ روز اسپتال سے فارغ کردیا گیا۔ وہ 10 دنوں تک اسپتال میں رہے۔

وزیر اعلی یوگی آدتیہ ناتھ نے بھی اسپتال میں ان کی حالت جاننے کے لئے فون کیا تھا-

یہاں ہم بتاتے چلیں کہ بھارت میں کورونا متاثرین کی مجموعی تعداد 20 لاکھ 88 ہزار 611 ہو چکی ہے۔ 42 ہزار 518 افراد ہلاک ہوئے ہیں۔ بھارت میں سب سے زیادہ 4 لاکھ 90 ہزار 262 کیسز کے ساتھ مہاراشٹر پہلے نمبر پر ہے۔ یہاں اب تک 17 ہزار 92 افراد ہلاک ہو چکے ہیں۔ دوسرے نمبر پر تمل ناڈو اور تیسرے نمبر پر آندھر پردیش ہے جبکہ فی الحال سکم میں سب سے کم 854 کیسز کی تصدیق ہوئی، اور یہاں ایک ہلاکت ہوئی ہے۔

واضح رہے کہ اس نئے کورونا وائرس کے سبب مریض کو بخار، کھانسی جیسی معمولی علامتیں ظاہر ہوتی ہیں، تاہم بڑی عمر اور بیمار افراد کے لیے ہلاکت کا شدید خطرہ ہے۔