اعظم خان کے خلاف ایک اور چارج شیٹ

رکن پارلیمان اعظم خان کے خلاف ایک اور چارج شیٹ داخل کی گئی ہے، یہ چارج شیٹ رواں برس سات اپریل کو سیفئی میں متنازع بیان دینے کے سلسلے میں داخل کی گئی ہے۔

سماج وادی پارٹی کے رکن پارلیمان اعظم خان کی پریشانیاں رکنے کا نام نہیں لے رہی ہیں، ان کے خلاف ایک اور چارج شیٹ داخل کر دی گئی ہے۔

اس سے پہلے جیا پردا پر قابل اعتراض تبصرہ کرنے کے سبب ان کے خلاف فرد جرم داخل کیا گیا تھا۔

اعظم خان پر الزام ہے کہ انہوں نے شاہ آباد کے سیفئی میں رواں برس سات اپریل کو ایک متنازع بیان دیا تھا، جس میں انہوں نے اپنے خلاف قتل کی سازش کرنے اور آئینی عہدوں پر فائز لوگوں پر نکتہ چینی کی تھی۔

اعظم خان کے خلاف ایک اور چارج شیٹ

اس سلسلے میں، ویڈیو آبزرویشن ٹیم کے انچارج انل کمار چوہان نے تحریر دی تھی۔ تحریر کی بنیاد پر مقدمہ درج ہوا تھا۔ وہیں پولیس نے اس معاملے میں کورٹ میں چارج شیٹ داخل کی ہے۔