اکھیلیش نے رام گوپال یادو کے بیان کا دفاع کیا

سماج وادی پارٹی کے سربراہ و سابق وزیراعلی اکھلیش یادو نے پارٹی کے جنرل سکریٹری رام گوپال یادو کے بیان کا دفاع کرتے ہوئے کئی ٹویٹز کیے۔

انہوں نے ٹویٹ کیا کہ ہمارے سکیورٹی دستوں کی قربانی پر کبھی سوال نہیں اٹھنا چاہیے، جمہوریت میں رہنماؤں سے سوال پوچھنا ہمارا بنیادی حق ہے'۔
کسی کانام لیے بغیر اکھیلیش نے کہا کہ 'اس حکومت 'مرکزی حکومت' کو خود کو ہندوستان کی فوج سمجھنے سے باز آنا چاہیے۔ جو رہنما کہتے ہیں کہ ان سے سوال نہیں پوچھا جا سکتا وہ بے حد خطرناک ہوتے ہیں'۔
غور طلب ہے کہ رام گوپال نے ہولی کی تقریب کے دوران بیان دیا تھا کہ ووٹ پانے کے لیے پلوامہ میں جوانوں پر حملہ کرایاگیا تھا۔ انہوں نے کہا تھا کہ اپوزیشن کی حکومت بننے پر اس معاملے کی تفتیش کرائی جائے گی'۔
ریاست کے وزیر اعلیٰ یوگی آدتیہ ناتھ نے ان کے اس بیان کو جوانوں کی بے عزتی قرار دیتے ہوئے رام گوپال سے معافی کا مطالبہ کیا تھا۔