آگرہ: میٹا ڈور سے ٹکرائی بس، 4 ہلاک

اترپردیش کے ضلع آگرہ کے اعتماد پور علاقے کے چھلیشر فلائی اوور پر آج کھڑی میٹا ڈور میں اسٹیٹ ٹرانسپورٹ کارپوریشن کی بس کے پیچھے سے ٹکر مارنے سے چار لوگوں کی موت ہوگئی جبکہ دیگر بارہ زخمی ہوگئے۔ زخمیوں کو اے ایس این میڈیکل کالج میں داخل کرایاگیا ہے۔

پولیس نے یہاں بتایا کہ ہائی وے پر واقع چھلیشر فلائی اوور پر خراب کھڑے ٹینکر مین کانپور سے آگرہ جارہی آگرہ فورٹ ڈیپو کی روڈویز بس پیچھے سے گھس گئی۔ بس میں سوار 4لوگوں کی موت ہوگئی اور 12زخمی ہوگئے۔ مہلوکین میں دو خواتین ہیں۔

نیشنل ہائی وے۔19 کے چھلیشر فلائی اوور پر تربوز سے بھرا کینٹر رات کو خراب ہوگیا تھا۔ کینٹر ڈرائیور نے اسے ڈیوائیڈر کی سائیڈ میں ہی کھڑا کردیا تھا۔ علی الصبح کانپور سے آگرہ آرہی فورٹ ڈییپو کی بس اسی کینٹر میں جا گھسی اور ڈیوائیڈر پر چڑھ گئی۔

علی الصبح جب یہ حادثہ پیش آیا اس وقت زیادہ تر مسافر سو رہے تھے۔ لیکن ٹکر کے بعد چیخ و پکار مچ گئی۔ پولیس نے بس میں پھنسےزخمیوں کو باہر نکالا گیا۔ ان میں چار کی موقع پر ہی موت ہوگئی تھی۔