امروہہ: بھینس چوری کے الزام میں ایک شخص کی پٹائی

مقامی لوگوں نے ایک شخص کو بھینس چوری کے الزام میں پکڑ کر خوب پیٹا موقع واردات پر پولیس پہنچ کر ملزم کو بچایا اور اسے علاج کے لیے ضلع اسپتال میں داخل کرایا۔

ریاست اتر پردیش کے ضلع امروہہ کے تھانہ بچریو علاقے کے گاؤں واجد پور میں بھینس چرانے کے لیے گھر میں گھسے ایک شخص کو لوگوں نے پیٹ پیٹ کر لہو لوہان کردیا۔

گھر کے مالک اوم پرکاش نے بتایا کہ رات میں اس کے گھر کی دیوار کو کاٹ کر ایک چور اندر آ گیا جب اس کو اسکی آہٹ ہوئی تو اس نے دیکھا ایک شخص اس کی بھینس کو چوری کر رہا ہے، لیکن جب مکان مالک نے شور مچایا تو چور بھاگ کھڑا ہوا، جس کے بعد گاؤں کے لوگوں نے اس چور کو پکڑ لیا اور جم کر پٹائی کر دی، ساتھ ہی گاؤں کے لوگوں نے اس چور کی مونچھیں بھی کاٹ دیں۔ بعد میں پولیس نے موقع پر آکر چور کو چھوڑ آیا اور ضلع اسپتال میں بھرتی کرایا ۔