لکھنؤ میں کورونا کے550 نئے کیسز

اتر پردیش کے دار الحکومت لکھنؤ میں کورونا کا قہر جاری ہے، یہاں ہر روز بڑی تعداد میں کورونا مثبت کیس سامنے رہے ہیں۔ لکھنؤ میں اب تک 51,026 مثبت کیسز کی تصدیق ہو چکی ہے جبکہ 684 لوگ کورونا وائرس سے فوت ہو چکے ہیں۔

ریاست اتر پردیش میں کورونا وائرس سے متاثر مریضوں کی تعداد میں مسلسل اضافہ ہوتا جا رہا ہے۔ یو پی میں 3,838 نئے معاملے سامنے آئے ہیں، وہیں 60 لوگوں کی موت ہوئی ہے۔ دارالحکومت لکھنؤ میں پیر کو ریکارڈ 550 مثبت کیسز پائے گئے ہیں۔ ساتھ ہی 9 لوگوں کی موت بھی ہوئی ہے۔

لکھنؤ میں کورونا متاثرہ افراد کی تعداد 51,026 ہے جبکہ 43,533 صحتیاب ہوئے اور 684 لوگوں کی موت ہوئی۔ اتر پردیش میں ایکٹیو کیسز کی بات کریں تو سب سے زیادہ لکھنؤ میں 7,531 ہیں۔

لکھنؤ میں گزشتہ دنوں کورونا متاثرین میں تیزی سے اضافہ دیکھنے کو مل رہا تھا تاہم گزشتہ تین دنوں سے کورونا مثبت کیسز میں کمی واقع ہوئی ہے۔ 24 ستمبر کو 659، 25 ستمبر کو 580، 26 ستمبر کو 599، 27ستمبر کو 549 اور پیر کو 550 مثبت کیسز کی تصدیق ہوئی ہے۔