ٹرک کھائی میں گری، ڈرائیور کی موت

اترپردیش کے ضلع سونبھدر کے چوپن علاقے میں پہاڑ سے اترتے وقت ایک ٹرک بے قابو ہو کر کھائی میں گر گئی جس سے ڈرائیور کی موت ہو گئی جبکہ کلینر شدید طور سے زخمی ہو گیا۔

پولیس ذرائع نے بدھ کو بتایا کہ ایک ٹرک لوہا لاد کر منگل کی رات رابرٹس گنج سے چوپن کی طرف جا رہا تھا۔ رات تقریبا ساڑھے نو بجے جیسے ہی ٹرک چوپن تھانہ علاقے کے مارکنڈی گھاٹی اترنے لگا اسی دوران ٹرک سے ڈرائیور اپنا قابو کھو بیٹھا اور ٹرک تقربیا 50 فٹ گہری کھائی میں پلٹ گیا۔

اس حادثے میں ڈرائیور اجیت پانڈے عرف پنٹو (35) کی موقع پر ہی موت ہو گئی جبکہ ٹرک میں سوار خلاصی شدید طور سے زخمی ہو گیا جسے علاج کے لئے ہسپتال میں داخل کرایا گیا ہے۔ ڈرائیور ریاست بہار کے آرا علاقے کا رہنے والا ہے۔