جموں و کشمیر کے شمالی ضلع کپواڑہ کے ترہگام میں واقع گاؤں آوورہ میں ایک زنگ آلودہ ہتھ گولہ ناکارہ بنایا گیا۔ جانکاری کے مطابق گاؤں آوورہ میں اس وقت سنسنی پھیل گئی جب گاؤں کے ایک نالہ کے قریب کھیل رہے بچوں نے ایک زنگ آلود گولہ دیکھا۔ خدشہ ظاہر کیا جارہا ہے کہ اس گرینیڈ کو ماضی میں عسکریت پسندوں نے چھپایا ہے لیکن استعمال نہ ہونے کے بعد یہ زنگ آلود ہوگیا۔
کشمیر میں متعدد مقامات پر زیر زمین زنگ آلود ہتھیار برآمد کئے گئے ہیں جن کے بارے میں سیکیورٹی حکام کہتے ہیں کہ انہیں عسکریت پسندون نے ماضی میں چھپایا ہوگا۔ بعض عسکریت پسند اپنے ساتھیوں کو بتائے بغیر ہتھیار چھپاتے ہیں اور انکی موت یا گرفتاری کے بعد ان ہہتھیاروں تک کسی کو رسائی نہیں ہوتی۔ کئی مقامات پر ان ہتھیاروں کی وجہ سے حادثات بھی روبنما ہوئے ہیں۔
Grenade Recovered in Kupwara Awura