شمالی کشمیر کے ضلع کپواڑہ کے زرہامہ علاقے میں پولیس اور فوج کے 160 ٹی اے کی ایک مشترکہ ٹیم نے ایک عسکریت پسند کے معاون کو گرفتار کرنے کا دعوی OGW Arrested in Zurhama Kupwaraکیا ہے۔ فوج کے مطابق گرفتار شدہ شخص سے ایک پستول بھی برآمد کی گئی ہے۔
گرفتار شدہ شخص کی شناخت فرید آحمد چوہان کے طور پر ہوئی ہے۔ ذرائع کے مطابق فرید مشتبہ حالات میں علاقے میں گھوم رہا تھا۔
پولیس پریس بیان کے مطابق مقامی لوگوں نے اسے گھیر لیا اور کل دیر شام اس کی اطلاع پولیس کو دی۔
پولیس کی اطلاع پر ٹی اے 160 بٹلین کی ٹیم نے کارروائی کرتے ہوئے فرید کو گرفتار کر لیا جس کی جامہ تلاشی لی گئی اور اس کے قبضے سے ایک چینی پستول بھی برآمد ہوئی ہے۔
یہ بھی پڑھیں:Militant Associate Arrested in Awantipora: اونتی پورہ میں عسکری معاون گرفتار
پولیس نے گرفتار شدہ شخص کو حراست میں لیا اور قانون کی متعلقہ دفعات کے تحت پولیس اسٹیشن ترہگام میں ایک مقدمہ درج کر کے مزید تفتیش شروع کر دی گئی ہے۔
واضح رہے کہ جنوبی کشمیر کے ضلع پلوامہ میں بھی سکیورٹی فورسز نے آج ایک عسکریت پسند کے معاون کو گرفتار کیا ہے۔