کپواڑہ: ڈیلی ویجرز و کیجول لیبرس کی آواز بنوں گا: جاوید قریشی

بھارتیہ جنتا پارٹی کے سینیئر رہنما جاوید قریشی نے آج سرحدی ضلع کپواڑہ کے لنگیٹ علاقے میں ڈیلی ویجرز اور کیجول لیبرس کے کنونشن میں خطاب کرتے ہوئے کہا کہ ان افراد کے ساتھ ناانصافی ہوئی ہے۔

بھارتیہ جنتا پارٹی کے سینیئر رہنما جاوید قریشی نے بدھ کے روز لنگیٹ میں ڈیلی ویجرز اور کیجول لیبرس کے ایک کنونشن منعقد کیا۔ ڈیلی ویجرز اور کیجول لیبرس کے اجتماع سے خطاب کرتے ہوئے قریشی نے کہا کہ میں ان لیبرس کے لیے ہر پلیٹ فارم پر انصاف مانگنے کے لیے تیار ہوں۔

انہوں نے کہا کہ جموں و کشمیر میں پی ڈی پی ،این سی اور کانگریس حکومتوں نے ان افراد کے ساتھ ناانصافی کی ہے اور انہیں اپنے فائدے کے لیے استعمال کیا ہے۔

قریشی نے کہا کہ 'میں ان مزدوروں کی طرف سے ہر ایک پلیٹ فارم پر لڑوں گا اور انہیں انصاف دلاؤں گا۔ انہوں نے مزید کہا کہ مستقبل میں اس طرح کے کنونشن اور منعقد کئے جائیں گے۔

وہیں ڈیلی ویجرز اور کیجول لیبرس نے جاوید قریشی کی طرف سے ان کی آواز اٹھانے پر شکریہ ادا کیا ہے۔